Top Dubayda metro, taksi və qayıqlar - Dubayda gəzinti
Dubai

Avtomobillə səyahət edin

Avtomobil icarəyə götürün

Avtomobil icarəyə götürmək üçün sizə lazım olan tək şey beynəlxalq sürücülük vəsiqəsi, pasport, kredit kartı və üçüncü bir tərəfin təmin etdiyi sığortadır. Açıq yola çıxdıqdan sonra, Dubayın dağ şəhəriHattaya gedin.

Lüks avtomobildə həyəcanlı səyahət axtarırsınız? Dubayda ən yaxşı məşğuliyyətlərdən biri küçələri cəlbedici bir maşında keçməkdir; Paddock Avtomobil İcarəsi vasitəsilə Bentley və ya Apex Lüks Avtomobil İcarəsi vasitəsilə Buqatti icarəyə götürə bilərsiniz.

Dəyişkənlik axtarırsınız? Sürdükcə ödəməyə imkan verən, avtomobili tətbiqləri UDrive və yaekarı sınayın.

Avtobus ilə səyahət

1500-ə yaxın avtobusun və kondisionerli sığınacaqların istifadədə olduğu şəhərdə avtobus, şəhəri gəzmək üçün büdcəyə uyğun variantdır. Sakinlər kimi şəhər avtobusu ilə gəzin və ya əsas turist məkanlarını seyr etmək üçün avtobus turu rezerv edin.

Hər şeydən rahatı isə odur ki, Nol smart kartı sizə təkcə avtomobil haqlarını deyil, həmçinin metro haqlarını da ödəməyə imkan verir.

Qayıq ilə səyahət

Dhou Qayıqları və Abralar

Dubayın ənənəvi nəqliyyat vasitəsində keçmişə səyahət edin: Dubay Körfəzindən və ya Madinat Jumeirah bazarından  abra ilə səyahət edin. Və ya adətən yelkən səyahəti üçün istifadə olunan daha böyük dou qayığında şam yeməyi kruizindən həzz alın. Müasir görüntülər üçün, Dubai Marinanın kozmopolit pasajlarında və ya tam yeni Dubay Su Kanalında səyahət edin.

Gəmi və Su Taksisi

Mənzərələri seyr etməyin bir yolu da Dubai Ferrydir. Qiyməti cəmi 15 dirhəmdən başlayan bu nəqliyyat vasitəsində ziyarətçilər Biznes Körfəzindən başlamaqla Marinaya Dubay Kanalı boyunca gedə bilərlər. Hər gün səhər saat 10:00-da, 12:00-da və 17:30-da Al Jaddaf stansiyasında gəmi yola düşür.

Yaxta icarəsi

Sahildən şəhərin üfüq xəttindən, möhtəşəm binalardan zövq alaraq Dubayda gəzişin. Yaxta seçimlərinə Xclusive Yachts, eləcə də bir neçə klik ilə öz yaxtanızı seçməyə, rezerv və ödəniş etməyə imkan verən onlayn rezerv sistemi CharterClick daxildir. Dubayı dənizdən seyr etməyin daha çox yollarını aşkar edin.

Dubayda velosiped sürmə

Şəhər daxili yollar genişləndikcə, bizim gözəl şəhərimizdə velosipedlə gəzinti getdikcə daha da kütləviləşir. Bunu sınamaq üçün asanlıqlaBYKY stansiyasında  yol qırağındakı velosipedlərdən birini icarəyə götürə bilərsiniz.

Daha çətin velosiped əyləncəsi axtarırsınızsa, təkər seçimi üçün TREK Bikes-da ayaq saxlayın və Hatta dağ cığırında və ya Al Qudra-nın 86 km-lik velosiped trekində Dubayın gözəl səhrasını kəşf edin.

Qatar ilə səyahət

Dubay Metrosu

Bizim metro, dünya səviyyəli, tam avtomatlaşdırılmış, maşinistsiz dəmiryolu sistemidir. Metronun əksər hissəsi yerin üstün keçir və bu zaman siz Dubai Mall, Dubai Marina, Qızıl Bazarı və Dubayın maliyyə rayonuna (DIFC) tamaşa edə bilərsiniz.

Dubay Metro biletləri Nol kartı vasitəsi ilə alınmalıdır, bu bilet ilə həm də cəmi 3 dirhəmə avtobus, tramvay və taksi xidmətindən istifadə etmək mümkündür. Şəhəri metro stansiyaları vasitəsilə kəşf edin və Wojhati adlı tətbiq vasitəsilə Dubay marşrtularınızdan tam faydalanın.

Dubay Tramvay

Dubay tramvayı, Al Sufouhdan Jumeirah Beach Residences bölgəsinə 42 dəqiqədə gedir. Nol kartla istifadəsi mümkün olan tramvay Palm Jumeirah, Dubai Marina, Jumeirah Lakes Towers və bir çox digər yerlərə çıxışı təmin edir.

The Palm Təkreysli Qatarı

Palm-ın gövdəsindən möhtəşəm Atlantis, The Palm-a qədər gedən tramvay Palmdakı birbaşa təkreysli qatar stansiyasına bağlanır. Aquaventure-də oyun oynamağınızdan, Dolphin Bay-də dostlar qazanmağınızdan və ya Boardwalk-dan zövq almağınızdan asılı olmayaraq, Palm ayparasından Körfəzin mənzərələrinə tamaşa etmək şansını əldən buraxmamağı tövsiyə edirik.

Taksi ilə səyahət

Taksi çağırın

Dubay taksilərini şəhərin istənilən yerindən, istənilən vaxt, gecə və gündüz çağırmaq olar. Əgər taksi xidməti planlaşdırırsınızsa +971 4 208 0808 nömrəsi vasitəsilə Dubay taksi xidmətinə zəng edə bilərsiniz.

Dubayda taksilər münasib qiymətə olsalar da hər kilometrə görə qiymətlər, yolun ödənişli olmasından və ya günün vaxtından asılı olaraq dəyişir.

Əgər taksi xidmətindən istifadə etməyə üstünlük verirsinizsə, Uber və ya Careem mövcuddur. Özünüzü ekstravaqant hiss edirsiniz? Quş baxışı səyahət üçün Uber vertolyotu rezerv edin.

Top